၂၀၁၆ ခုနှစ် (Lancet) လန်းဆင့်ဂျာနယ်တွင် ပါဝင်သော နို့တိုက်ကျွေးခြင်း အစီအစဉ် ၏ နောက်ဆုံးစစ်တမ်း

၂၀၁၆ ခုနှစ် (Lancet) လန်းဆင့်ဂျာနယ်တွင် ပါဝင်သော နို့တိုက်ကျွေးခြင်း အစီအစဉ် ၏ နောက်ဆုံးစစ်တမ်း ကောက်ယူချက်အရ ကလေးများအားလုံးကို ညွှန်ကြားချက် အတိုင်း နို့ချို တိုက်ကျွေးပါကနှစ်စဉ် ကလေးသေဆုံးမှုပေါင်း ၈၂၃,ဝ၀ဝ ခန့်အား ကြိုတင် ကာကွယ်နိုင်သည်။


ကလေးများအတွက် ဖော်စပ်စာကျွေးခြင်း အန္တရာယ်

~~~~~~~~~~~~~~~~~~~~~~~~~~~~~~~~~~~~



• အသက် (၆) လအောက် မိခင်နို့တိုက်ကျွေးခြင်းမခံရသော ကလေးများ သည် မိခင်နို့ကိုသာ တိုက်ကျွေး ခြင်းခံရသော ကလေးများထက် သေဆုံးနိုင်ခြေ ၁၄ ဆခန့်ပိုမိုမြင့်မားသည်။


• မိခင်နို့တိုက်ကျွေးခြင်း မခံရသော ကလေးများသည် မိခင်နို့တိုက်ကျွေးခြင်း ခံရသော ကလေးများထက် ဝမ်းလျှောခြင်းနှင့် ဆက်စပ်သောရောဂါ များ ဖြစ်နိုင်ခြေ ၂ ဆပိုသည်။


• မိခင်နို့တိုက်ကျွေးခြင်းမခံရသော ကလေးများသည် အသက်ရှုလမ်းကြောင်း အတွင်းရောဂါပိုးဝင် ရောက်နိုင်ခြေ ၆၆ % ပိုမိုမြင့်မားသည်။


• မိခင်နို့တိုက်ကျွေးခြင်းမခံရသော ကလေးများတွင် မွေးကင်းစကလေးငယ် ရုတ်တရက် သေဆုံးခြင်း (သို့) ပုခက်တွင်းသေဆုံးခြင်းမျိုး ၃၆% ပိုမိုဖြစ်ပွားသည်။


• မိခင်နို့တိုက်ကျွေးခြင်းမခံရသော ကလေးများသည် ပန်းနာရင်ကျပ်ရော ဂါ ဖြစ်နိုင်ခြေ ပိုမိုမြင့်မားသည်။


• ဖော်စပ်စာ တိုက်ကျွေးခြင်းခံရသော ကလေးများသည် ကလေးဘဝနှင့် အရွယ်ရောက်ပြီးချိန်တို့တွင် အဝလွန်ရောဂါ ခံစားရနိ်ုင်ပါသည်။


• ဖော်စပ်စာ တိုက်ကျွေးခြင်းခံရသော ကလေးများသည် အမျိုးအစား (၂) ဆီးချို၊ သွေးချိုရောဂါ ဖြစ်နိုင်ပါသည်။


• ဖော်စပ်စာ တိုက်ကျွေးခြင်းခံရသော ကလေးများတွင် ဉာဏ်ရည်နိမ့်ပါး မှု ဖြစ်နိုင်သည်။



• မိခင်နို့တိုက်ကျွေးခြင်းမခံရသော ကလေးများသည် ကလေးများတွင် ဖြစ် ပွားတတ်သော သွေးဖြူဥ များခြင်း (သွေးကင်ဆာ) နှင့် အခြားကင်ဆာရောဂါ များ ဖြစ်နိုင်ခြေ ပိုမိုမြင့်မားသည်။


• လေ့လာမှုများအရ မိခင်နို့တိုက်ကျွေးခြင်းမခံရသော ကလေးငယ်များမှာ မိခင်နို့သာ သောက်သုံး ခဲ့ရသော ကလေးများထက် နားအတွင်းရောဂါပိုး ဝင်ရောက်မှု ၅၀% ခန့် ပိုမိုဖြစ်ပွားသည်။


မိခင်များအတွက် ဖော်စပ်စာကျွေးခြင်း အန္တရာယ်

~~~~~~~~~~~~~~~~~~~~~~~~~~~~~~~~~


• နှစ်စဉ်နှစ်တိုင်း မိခင်နို့တိုက်ကျွေးသော အမျိုးသမီးများသည် ရင်သားကင် ဆာ ဖြစ်နိုင်ခြေ ၄% လျှော့ချနိုင်ပါသည်။


• ကာလကြာရှည်စွာ မိခင်နို့တိုက်ကျွေးခြင်းကြောင့် သားဥအိမ်ကင် ဆာ ဖြစ်နိုင်ခြေ ၃၀% အထိ လျှော့ချ နိုင်ပါသည်။


• မိခင်နို့တိုက်ကျွေးခြင်း မရှိသောမိခင်များသည် သွေးအားနည်းရော ဂါ ဖြစ်နိုင်ခြေရှိသည်။


• မိခင်နို့တိုက်ကျွေးခြင်း မရှိသောမိခင်များသည် နှလုံးရောဂါဖြစ်နိုင်ခြေ များစွာရှိသည်။


• မိခင်နို့တိုက်ကျွေးခြင်း မရှိသောမိခင်များသည် ကလေးမွေး ဖွားပြီးနောက် ဖြစ်ပေါ်တတ်သော စိတ်ကျ ရောဂါ ဖြစ်နိုင်ခြေများစွာရှိပါသည်။


• မိခင်နို့တိုက်ကျွေးခြင်း မရှိသောမိခင်များသည် အမျိုးအစား (၂) ဆီးချို၊ သွေးချိုရောဂါ ဖြစ်နိုင်ပါသည်။


• မိခင်နို့တိုက်ကျွေးခြင်း မရှိသောမိခင်များသည် မကြာခဏကိုယ်ဝန် ရရှိခြင်း ဖြစ်ပွားသည်။


ကလေးများအတွက် ဖော်စပ်စာထုတ်လုပ်ခြင်း၏ လွဲမှားမှုများနှင် ့ညစ်ညမ်းမှုအန္တရာယ်

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


• ကလေးများအတွက် ဖော်စပ်သော နို့မှုန့်များတွင်ဘက်တီးရီးယား ကင်းစင်မှုမရှိခြင်းကြောင့် ကလေး ငယ်များတွင် အပြင်းဖျားနာခြင်း များဖြစ်ပြီး နို့မှုန့်များတွင်ပါဝင်သော အန္တရာယ်ရှိသည့် ရောဂါပိုးများ ကြောင့် အချို့သောကလေးငယ်များ အသက်ဆုံးရှှုံးခဲ့ရပါသည်။


• အချို့သောကိစ္စရပ်များတွင် ထုတ်လုပ်သူများသည် ဘေးထွက် ဆိုးကျိုးရှိသော ပါဝင်ပစ္စည်းများ၊ ကုန် ကြမ်းများကို မရည်ရွယ်ဘဲ ထည့်သွင်းသုံးစွဲမှုများ ပြုလုပ်လေ့ရှိပါသည်။


•  ကလေးများအတွက် ဖော်စပ်စာများသည် စက်ရုံများအတွင်းရှိ Enterobacter skazakii ကဲ့သို့သောပိုး မွှားများကြောင့် သန့်ရှင်းမှုမရှိဘဲ ညစ်ညမ်းတတ်ပါသည်။


• တစ်ခါတစ်ရံတွင် ထုတ်လုပ်သူများသည် အရေးကြီးသော ပါဝင်ပစ္စည်းများ ထည့်သွင်းရန် မေ့လျော့ခြင်း ကဲ့သို့သော အမှားများ ပြုလုပ်လေ့ရှိပါသည်။


• အချို့သောနို့မှုန့်များသည် နို့ဗူးများတွင် ရှိနေတတ်သော Bisphenyl A (BPA) ကဲ့သို့ ဓာတုပစ္စည်းများနှင့်ထိတွေ့ဓာတ် ပြုသွားနိုင်ခြေရှိပါသည်။ ပမာဏအနည်း ငယ်သော BPA သည်ပင်လျှင် အလွန်အန္တရာယ်ရှိပါသည်။


• ၂၀၁၂ - ၂၀၁၃ ခုနှစ်များအတွင်းမှာပင်လျှင် နို့မှုန့်ထုတ်ကုန် ၁၄ မျိုးခန့်အား ညစ်ညမ်းမှု၊ ကလေးများ ကို နာမကျန်းဖြစ်စေမှုနှင့် သေဆုံးစေမှုတို့ကြောင့် ၄င်းထုတ်ကုန်များအား ပြန်လည်သိမ်းဆည်းမှုများ ရှိခဲ့ပါသည်။


ကလေးများအတွက် ဖော်စပ်စာသုံးစွဲခြင်းနှင့် အသုံးပြုခြင်းဆိုင်ရာ ပြဿနာများ

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


• ကလေးဖော်စပ်စာတွင် အသုံးပြုသောရေ (သို့) နို့ဗူးများဆေးကြောရာတွင် အသုံးပြုသောရေတို့တွင် ရောဂါဖြစ်ပွားစေနိုင်သော ပိုးမွှားများပါရှိနေ မှုကြောင့် ဘေးအန္တရာယ်ဖြစ်ပွားစေနိုင်ပါသည်။


• များစွာသောမိဘများသည် နို့မှုန့်ဖျော်ရာတွင် ရေပမာဏ အလွန်အမင်း အသုံးပြု၍ သော်လည်းကောင်း၊ အနည်းငယ်သော ရေပမာဏကို သုံး၍သော် လည်းကောင်း မှားယွင်းစွာဖျော်လေ့ရှိပါသည်။


• အချို့သောမိဘများ သည် ငွေချွေတာလိုသောကြောင့် နို့မှုန့်ဖျော်ရာ တွင် ရေများစွာ ထည့်ဖျော်လေ့ရှိပါသည်။


• ဖျော်ထားသော ကလေးဖော်စပ်စာများသည် အခန်းအပူချိန်တွင် ၂ နာရီထက်ကျော်လွန်ပါက အာနိ သင်ပျက်စီးသွားပါသည်။


• အချို့သောမိဘများသည် ကလေးအငိုတိတ်စေရန် နို့ဗူးဖြင့် နို့ တိုက်ကျွေးခြင်းများ ပြုလုပ်လေ့ရှိပါသည်။ ထိုသို့ပြုလုပ်ခြင်းသည် ကလေးငယ် များ၏ စိတ်ဆန္ဒအား ဖြည့်ဆည်းပေးရန် သင့်တော်သည့် အပြုအမူတစ်ခု မဟုတ်ပေ။


_ SUN CSA မှ မြန်မာဘာသာသို့ ဆီလျော်အာင် ပြန်ဆိုသည်။


Photo: Credit