ကြက်ငှက်တုပ်ကွေးရောဂါဖြစ်ပွားမှု သတင်းထုတ်ပြန်ချက်

ကြက်ငှက်တုပ်ကွေးရောဂါဖြစ်ပွားမှု သတင်းထုတ်ပြန်ချက်
▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄▄
▲▲▲▲▲▲▲▲▲▲▲▲▲▲▲▲▲▲▲▲▲▲▲▲

နေပြည်တော် ဧပြီ ၂ဝ

၁။ ကြက်ငှက်တုပ်ကွေးရောဂါသည် မြန်မာနိုင်ငံရှိ မန္တလေးဒေသနှင့် စစ်ကိုင်းဒေသတို့တွင် ၂ဝဝ၆ ခုနှစ်၌ စတင်ဖြစ်ပွားခဲ့ပြီး ၂ဝ၁၅ ခုနှစ်ထိ စုစုပေါင်း (၇)ကြိမ် ကျရောက်ဖြစ်ပွားခဲ့ပါသည်။ ၂ဝဝ၆ ခုနှစ် ရောဂါကျရောက် စဉ်ကလည်း မုံရွာမြို့ပါဝင်ခဲ့ပြီး မုံရွာမြို့ ကြက်/ငုံးမွေးမြူရေး အထူးဇုန်တွင် ၂ဝ၁၅ ခုနှစ်တွင်လည်း ကြက်ငှက်တုပ်ကွေးရောဂါ ကျရောက်ဖြစ်ပွားခဲ့ကာ ပိုးမျိုးခွဲ (H5N1) ဖြစ်ကြောင်း စစ်ဆေးတွေ့ရှိခဲ့ပါသည်။

၂။ ယခုနှစ်တွင်လည်း စစ်ကိုင်းတိုင်းဒေသကြီး မုံရွာခရိုင် မုံရွာမြို့ ကြက်/ ငုံးမွေးမြူရေး အထူးဇုန်အတွင်းရှိ ကြက်ခြံများတွင် (၃-၄-၂ဝ၁၆) ရက်မှ စ၍ ကြက်များစတင်သေဆုံးခဲ့သောကြောင့် မွေးမြူရေးနှင့် ကုသရေး ဦးစီးဌာန ဓာတ်ခွဲခန်းများတွင်စစ်ဆေးခဲ့ရာံ၅ နှင့်ံ၉ ဗိုင်းရပ်စ် ပိုးများ ဖြစ်ကြောင်း
 တွေ့ရှိရသဖြင့် ရောဂါဖြစ်ပွားမှုအား လျင်မြန်စွာထိန်းချုပ်နိုင်ရန်အတွက် ဦးစီးဌာနမှ ပညာရှင် အဖွဲ့များနှင့် ဒေသဆိုင်ရာ အဖွဲ့များ ပူးပေါင်း၍
 ရောဂါဖြစ်ပွားနေမှုအား ထိန်းချုပ်နိုင်ရေး ကြီးကြပ်ဆောင် ရွက်ခြင်း၊ ရောဂါ ကူးစက်မှုမပြန့်ပွားစေရန် ဇီဝလုံခြုံမှုပိုမိုမြှင့် တင်ဆောင် ရွက်ခြင်း၊ ပညာပေးဟောပြောပွဲများပြုလုပ်ခြင်း၊ ကမ္ဘာ့တိရစ္ဆာန်ကျန်းမာရေးအဖွဲ့သို့ ကနဦး သတင်းပေးပို့ခြင်း များ ဆောင်ရွက်ထားပါကြောင်းနှင့် ဗိုင်းရပ်စ်ရောဂါ ပိုးမျိုးခွဲ N နှင့် ပတ်သက်ပြီး ဆက်လက်အတည်ပြု နိုင်ရန် ဒေသဆိုင်ရာ ရည်ညွှန်းကိုးကားဓာတ်ခွဲခန်းဖြစ်သည့် သြစတြေးလျနိုင်ငံGeelong ရှိ တိရစ္ဆာန်ကျန်းမာရေးဓာတ်ခွဲခန်း (Australia Animal Health Laboratory- AAHL) သို့ နမူနာ ပစ္စည်း ပေးပို့စစ်ဆေးလျက်ရှိပါသည်။ အဆိုပါဓာတ် ခွဲခန်းမှ ရောဂါပိုးမျိုးခွဲ အတည်ပြုစစ်ဆေးချက် ရရှိပါက ကြက်ငှက် တုပ်ကွေးရောဂါဖြစ်ပွားမှုသတင်းအား ဆက်လက် ထုတ်ပြန်သွား မည်ဖြစ်ပါသည်။

၃။ အခြားသော တိုင်းဒေသကြီး/ပြည်နယ်များရှိ ကြက်၊ ငှက်များတွင်သာမက လူသို့ ကြက် ငှက်တုပ်ကွေးရောဂါ ကူးစက်မှုမရှိစေရန် အတွက် အောက်ပါ အချက်အလက်များအား လိုက်နာဆောင် ရွက်ကြရန် အသိပေးအပ်ပါသည်-

(က) ဆောင်းခိုငှက်များနှင့် အိမ်မွေး ကြက်၊ငှက်၊ ဘဲ၊ ငုံးများ ဆက်စပ် ထိတွေ့မှု မရှိစေရေး ဂရုပြုဆောင်ရွက်ရန်။

(ခ) ကြက်၊ ဘဲ၊ ငုံး စသည့် ကြက်ငှက်မွေးမြူရေးခြံများ၏ ဇီဝလုံခြုံရေးကို အထူးဂရုပြု ဆောင်ရွက်ရန်။

(ဂ) ကြက်ငှက်မွေးမြူရေးခြံများနှင့် ကြက်၊ ဘဲအရှင်ဈေးများတွင် ပိုးသတ် သန့်စင်ခြင်း လုပ်ငန်းကို စနစ်တကျ ဆောင်ရွက်ရန်နှင့် ခြံပတ်ဝန်းကျင် သန့်ရှင်းရေးနှင့် မွေးမြူရေးခြံသုံး ပိုးသတ်ဆေးဖျန်းခြင်း ပုံမှန်ပြုလုပ်ရန်။

(ဃ) ကြက်မွေးမြူရေးခြံအတွင်းသို့ဝင်ပါက နှာခေါင်းစည်း၊ လက်အိတ်စသည့် အကာ အကွယ်ပစ္စည်းများ စနစ်တကျဝတ်ဆင်ရန်၊ ကြက်ငှက်များကို ကိုင်တွယ်ပြီး တိုင်း၊ ကြက်ခြံမှ ထွက်သည့်အခါတိုင်း ဆပ်ပြာဖြင့် လက်ဆေးခြင်း၊ တစ်ကိုယ်ရေ သန့်ရှင်းရေးပြုလုပ်ခြင်းများ ဆောင်ရွက်ရန်။

(င) ကြက်၊ ငှက်၊ အသား၊ ဥ စသည်တို့ကို သေချာစွာ ချက်ပြုတ်ပြီးမှ စားသုံးရန်။

(စ) ကြက်ငှက်များ ရုတ်တရက်သေဆုံးကြောင်းသိရှိရပါက နီးစပ်ရာ အုပ်ချုပ်ရေး အဖွဲ့၊ မွေးမြူရေးနှင့် ကုသရေး ဦးစီးဌာန၊ မြန်မာနိုင်ငံမွေးမြူရေး လုပ်ငန်း အဖွဲ့ချုပ်တို့ သို့ ချက်ချင်းသတင်းပို့ရန်။

(ဆ) ရောဂါကြိုတင်ကာကွယ်ရေးနှင့် ရောဂါစူးစမ်းရှာဖွေခြင်းလုပ်ငန်းများတွင် သက်ဆိုင်ရာဌာန၊ အဖွဲ့အစည်းများနှင့် ပူးပေါင်းပါဝင်ဆောင်ရွက်ရန်။

မွေးမြူရေးနှင့် ကုသရေးဦးစီးဌာန
စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန