** ဇာတ်လမ်းပမာနားဆင်စရာ **

မနှင်းဆီဟာ သူ့သားလေးကိုယ်ဝန်ရလာတဲ့ အချိန်ကနေစပြီး ရွာကသားဖွားဆရာမဆီမှာ ကိုယ်ဝန်ဆောင် စောင့်ရှောက်မှုစနစ်တကျ ခံယူခဲ့တယ်။ ဆရာမလေးညွှန်ပြတဲ့အတိုင်းနေ ထိုင်စားသောက်တယ်။ ကလေးမွေးလာတဲ့အချိန်မှာ မွေးမွေးပြီးချင်း နို့ဦးရည် တိုက်နိုင်ခဲ့သလို ကလေးအသက် (၆) လပြည့်တဲ့အထိလည်း မိခင်နို့တစ်မျိုးတည်းကိုပဲ ဂရုတစိုက်တိုက်ကျွေး တယ်။ မိခင်နို့အပြင် အခြားအရည်၊ အဖတ်ဘာဆိုဘာမှမကျွေးခဲ့ဘူး။ ကလေးအသက် (၆) လပြည့်လို့ဖြည့်စွက်စာ စကျွေးတဲ့ အချိန်မှာလည်းအရေးကြီးတဲ့ အဓိကအချက် (၆) ချက်နဲ့တတ်နိုင်သမျှကိုက်ညီအောင် တုန့်ပြန်မှုရှိစွာကျွေးမွေးတယ်။ ကလေးရဲ့ဖခင် (အိမ်ကလူ) ကလည်းမနှင်းဆီကိုဂရုတ စိုက်ကူညီပေးသလို သားလေးနဲ့လည်း အချိန်ပေးပြီးဆော့ကစား တယ်။ ကလေးအတွက် သူကိုယ်တိုင်လက်လုပ်အရုပ်လေးတွေ လုပ်ပေးကာဆော့ကစားစေ ခဲ့တယ်။

သားလေးအတွက် အစားအသောက်တွေပြင်ဆင်တဲ့အချိန်၊ အစာကျွေးပြီးချိန်နဲ့ သူ့ရဲ့အညစ် အကြေးတွေ သန့်စင်တဲ့အချိန်တွေမှာလည်း တကိုယ်ရည်သန့် ရှင်းရေးကောင်းဖို့ လက်ကိုရေ၊ ဆပ်ပြာတို့နဲ့ စင်ကြယ်စွာဆေးကြောလေ့ရှိတယ်။ ကလေးနေမကောင်းဖြစ်တဲ့ အချိန်မှာ မိခင်နို့ကိုဆက်လက်တိုက်ကျွေးလေ့ရှိပြီး အစာကိုဝင်အောင် ဂရုတစိုက်ကျွေးသလို ရွာအုပ်စုပိုင် ကျန်းမာရေးဆရာမနဲ့လည်း သွားရောက်ပြသလေ့ရှိတယ်။ အဲဒီလိုသွားတဲ့နေရာမှာ သားလေး ရဲ့အဖေကလည်းဘေးကနေ အမြဲလိုက်ပါကူညီစောင့်ရှောက်ပေးတာမို့ ကလေးဟာအမြန်ပြန် လည်ကျန်းမာလာခဲ့တယ်။

ဒါကြောင့်မို့ မနှင်းဆီသားလေးရဲ့ ကိုယ်အလေးချိန်၊ အရပ်အမြင့်နဲ့ လက်မောင်းလုံးပတ် တိုင်းတာခြင်းစတာတွေဟာ ကိုယ်ခန္ဓာကြီးထွားဖွံ့ဖြိုးမှုမှတ်တမ်းမှာ မှန်မှန်တိုးတက်လျှက် ရှိနေပြီးကျန်းမာကာအာဟာရပြည့်ဝတဲ့ ကလေးတစ်ယောက်အဖြစ် ပုံမှန်ကြီးထွားပျော်ရွှင်လို့နေ ပါတော့တယ်။ 
Credit: May Thukha Soe